خانیوال (11اگست)گورنمنٹ گریجویٹ کالج برائے خواتین خانیوال میں یوم آزادی کی ڈائمنڈ جوبلی تقریب کے حوالے سے شعبہ تاریخ ومطالعہ پاکستان کے زیراہتمام کوئز مقابلہ کا انعقاد کیاگیا کوئز مقابلہ کے منتظمین کے فرائض شعبہ تاریخ کی ایسوسی ایٹ پروفیسر مس حامدہ فاطمہ اور اسسٹنٹ پروفیسر مس اصفیا ء تحسین نے سرانجام دیئے کوئز مقابلے میں تاریخ پاکستان کے حوالے سے ADAکی طالبہ سدرہ بتول نے تاریخ پاکستان کے حوالے سے طالبات سے سوالات کئے جس میں طالبات نے بھرپور کارکردگی کا مظاہرہ کیا کوئز مقابلہ میں شرکت کرنیوالی 21طالبات میں سے سکینڈائیر کی طالبات عدیلہ رانا نے پہلی پوزیشن حاصل کی اور علیشبہ بی بی نے دوسری پوزیشن حاصل کی فورتھ ایئر کی طالبہ رمشا راشد نے تیسری پوزیشن حاصل کی۔ادارہ ہذا کی پرنسپل مسز انجم آصف نے طالبات سے خطاب کرتے ہوئے کہاکہ آزادی کی قدر وقیمت سے طالبات کو آگاہ کیا اور اپنے فرائض احسن طریقہ سے سرانجا م دینے کیلئے کہا تقریب کا اختتام قومی ترانے سے ہوا۔