خانیوال () برٹ انٹرنیشنل سکول نیٹ ورک میاں چنوں کیمپس میں رنگا رنگ سالانہ تقریب تقسیم انعامات کا انعقاد کیاگیا تقریب کے مہمانان خصوصی معروف سیاسی شخصیت میاں ندیم بودلہ اور صدر بار کونسل رانا عبدالرحمن تھے اس موقع پر میڈم غزالہ صدر مسلم لیگ ن، ایاز گیلانی ضلعی صدر تحریک انصاف،خضر امین، اشعر نعمان، سکندر علی سسرانہ، عبدالرحمن، میڈم افتخار شوق، مہر اجمل،پروفیسر رمضان،پروفیسر عبدالحی، پروفیسر ڈاکٹر اکرام،پروفیسر میڈم عائشہ،چوہدری اشفاق نیاز، مسعود پرویز، محمد یعقوب اور میڈم رقیہ سلطانہ سمیت بچوں کے والدین نے شرکت کی اس موقع پر مہمانان خصوصی میاں ندیم بودلہ اور رانا عبدالرحمن نے کہاکہ آج مجھے بھی اپنا بچپن یاد آرہا ہے جب میرے والدین میری کارکردگی اور مجھے انعام لیتا ہوا دیکھنے کے لیے بیٹھے ہوتے تھے ۔ تمام بچوں اور والدین کے لیے یہ دن بہت خوشی کا اور یادگار دن ہے۔ انہوں نے مزیدکہاکہ والدین اپنے بچوں کو تعلیم حاصل کرنے کیلئے سکول بھیجیں۔ آخر میں کامیاب پروگرام پر سکول کی پرنسپل میڈم رقیہ سلطانہ نے سٹاف اور بچیوں کو مبارکباد پیش کی۔ بعدازاں سکول انتظامیہ کی طرف سے آئے مہمانوں اور طالب علموں کو ظہرانہ دیا گیا