ڈپٹی کمشنر/چئیرمین خانیوال ایجوکیشن ٹرسٹ  عمرافتخارشیرازی نے ڈسٹرکٹ پولیس آفیسرجلیل عمران خان غلزئی اورایم پی اے شاہدہ احمدحیات‘پرنسپل ادارہ ہذا حافظ راشدسعیدرانا کے ہمراہ خانیوال پبلک سکول اینڈ کالج میں منعقدہ تقریب میں عشرہ شان رحمت اللعالمین  ﷺ کی تقریبات کا باقاعدہ افتتاح کردیا-اس موقع پر "مسافت شب" کے عنوان سے محفل مشاعرہ کا انعقاد  عشرہ رحمت اللعالمین کی مناسبت سے نعتیہ اور صوفیانہ کلام سے کیا گیا جس میں شعراء کرام نے کلام پیش کرکے دلوں کو منور کیا- مشاعرہ میں

 معروف ملکی اور مقامی شعراء کرام  علی زریون, ندیم ناجد، ڈاکٹر صغیر احمد صغیر صباحت عروج ،مجاہد علی یاسر، فریحہ نقوی ,امتیاز اسد، فیصل ندیم ، بشری ناز ، راشدہ ماہین، دانش نقوی ، اسد عباس سمیت دیگر معرف شعراء نے اپنا اپنا خوبصورت کلام پیش کیا اور سامعین سے داد سمیٹی -محفل مشاعرہ میں صدر بار رائو محمد عامر،جنرل سیکرٹری الطاف بھٹی،سمیت سول سوسائٹی کی شخصیات،شہریوں اور میڈیا نمائندگان کی بڑی تعداد موجود تھی-آخر میں مہمانوں کو یادگاری شیلڈز سے نوازا گیا-