خانیوال 26نومبر(نمائندہ خانیوال نیوز)وزیر اعلی پنجاب مریم نواز شریف کے کھیلوں کے فروغ کے وژن کے تحت سپورٹس ڈیپارٹمنٹ کے زیر اہتمام"کھیلتا پنجاب گیمز"2024 کے ڈویژنل سطح مقابلے شروع ہوگئے-ضلع خانیوال ڈویژنل سطح کے 6 کھیلوں کے مقابلہ جات کی میزبانی کریگا- شبیراسٹیڈیم میں خانیوال اور لودھراں کے مابین کبڈی کا مقابلہ ڈپٹی کمشنر محمد علی بخاری میچ کے مہمان خصوصی تھے انہوں نے کھلاڑیوں سے ملاقات بھی کی- محکمہ سپورٹس کے صوبائی،ڈویژنل اور ضلعی سطح کے افسران بھی ہمراہ تھے-ڈپٹی کمشنر کا اس موقع پر میڈیا سے گفتگو کرتے ہوئے کہنا تھاکہ حکومت پنجاب کھیلوں کے فروغ کیلئے اقدامات اٹھارہی ہے- ضلعی سطح کی گیمز میں خانیوال سے 1400 سے زائد نوجوانوں مختلف کھیلوں میں حصہ لیا- کامیاب ٹیمیں اور کھلاڑی ڈویژنل مقابلہ جات میں حصہ لے رہے ہیں