وفاقی کابینہ نے 27ویں آئینی ترمیم کے مسودے کی منظوری دے دی ہے۔

وزیراعظم محمد شہباز شریف نے باکو سے ویڈیو لنک کے ذریعے وفاقی کابینہ کے اجلاس کی صدارت کی۔

انہوں نے اتحادی جماعتوں کی قیادت کا شکریہ ادا کیا اور کابینہ کے ارکان کو سراہا۔

27 ویں آئینی ترمیم کا مسودہ اب پارلیمنٹ میں پیش کیا جائے گا۔

وزیراعظم نے کابینہ کے اجلاس سے خطاب کرتے ہوئے وزارت قانون و انصاف، اٹارنی جنرل اور ان کی ٹیم کو بھی سراہا اور کہا کہ وفاق اور صوبوں کے درمیان تعلقات مضبوط بنانے کے لیے تمام فریقوں نے27 ویں ترمیم کے لیے کوششیں کیں۔

انہوں نے اتحادی جماعتوں کی قیادت بشمول بلاول بھٹو زرداری، عبدالعلیم خان، ڈاکٹر خالد مقبول صدیقی، چوہدری سالک حسین اور خالد حسین مگسی کا بھی شکریہ ادا کیا جنہوں نے مسودے کی توثیق کی۔

وزیراعظم نے کہا کہ اللہ کے فضل سے سیاسی اور معاشی استحکام کے بعد ملک نے درست سمت اختیار کی ہے۔

انہوں نے کہا کہ ملک کی ترقی اور خوشحالی کے لئے ہم سب کو مل کر کام کرنا ہے۔