خانیوال 01 جنوری (خانیوال نیوز)وزیر اعلی پنجاب مریم نواز شریف نے  محکمہ مال سے متعلقہ عوامی شکایات کے فوری ازالہ کے احکامات دے دیئے-ڈپٹی کمشنر سلمیٰ سلیمان نے اس سلسلہ میں ضلع کونسل ہال میں سال 2025 کی  پہلی ریونیو عوامی خدمت کچہری کا انعقاد کیا-ایڈیشنل ڈپٹی کمشنر ریونیو عبدالستار خان، اسسٹنٹ کمشنر سنبل جاوید ہمراہ تھیں-ریونیو عوامی خدمت کچہری میں افسران مال،اراضی ریکارڈ سنٹرز کا عملہ بھی ایک چھت تلے موجود تھا-ڈپٹی کمشنر نے شہریوں کی شکایات سن کو موقع پر شنوائی کی-تحصیل ہیڈکوارٹرز پر اسسٹنٹ کمشنرز نے کچہریاں لگائیں-ڈپٹی کمشنر نے اس موقع پر کہاکہ عوام کےمسائل کا فوری حل اولین ترجیح ہے-اوپن ڈور پالیسی کے تحت دفتر کے دروازے شہریوں کے لئے کھلے ہیں.